एल्‍गार न्‍यूज विशेष :-
Radha Vembu Success Story : ज्‍या भारतीय यशस्‍वी महिलेबद्दल आपण येथे माहिती घेत आहोत, त्‍या महिलेला आपण पाहीले तर असं वाटणारही नाही की त्‍यांच्‍याकडे 36 हजार कोटींची संपत्‍ती आहे. कारण सदरील महिलेचा राहणीमान साधारण आहे परंतू विचारसरणी उच्‍च आहे.
आज घडीला पण असे काही उदाहरणे पहायला मिळतात जेथे व्‍यक्‍ती अत्‍यंत श्रीमंत असतांना देखील कुठलाही गाजावाजा न करता आपले सामान्‍य जीवन जगत असतात. आजच्‍या काळात महिला कोणत्‍याही क्षेत्रात मागे नाहीत, यशस्‍वी उद्योजक, वैमानिक, संरक्षण, शास्‍त्रज्ञ अशा विविध क्षेत्रात महिला दिसून येतात.
Radha Vembu Success Story
छायाचित्रामध्‍ये आपणास दिसत असलेल्‍या महिलेचे नाव राधा वेम्‍बू आहे. राहणीमान सामान्‍य दिसत असले तरी ही महिला कर्तत्‍वाने असामान्‍य आहे. म्‍हणजेच या यशस्‍वी महिलेने आपल्‍या कर्तृत्‍वाने कोट्यावधीची संपती कमवली आहे.
राधा वेम्‍बू यांची संपती ऐकून आश्‍चर्य वाटेल परंतू त्‍यांची संपत्‍ती 36 हजार कोटी आहे. राधा वेम्‍बू यांचा जन्‍म 1972 मध्‍ये झाला, त्‍यांचे वडील मद्रास हायकोर्टामध्‍ये स्‍टेनोग्राफर म्‍हणून नोकरीला होते, राधा वेम्‍बू यांनी शिक्षणाकडे अधिकचे लक्ष दिले. त्‍यांनी मद्राय आयआयटी मधून शिक्षण पूर्ण केले व पुढे इंडिस्‍ट्रीयल मॅनेजमेंट मध्‍ये देखील पदवी मिळवली.
त्‍यांनी एडव्‍हेंटनेट नावाची कंपनी सुरू केली, त्‍यानंतर झोहो कॉर्प ही खाजगी आयटी कंपनी सुध्‍दा स्‍थापन केली. ज्‍यामध्‍ये सर्वात जास्‍त वाटा हा राधा यांच्‍या नावावर आहे. शेतीशी संबंधित जानकी हायटेक अॅग्रो कंपनीच्‍या देखील त्‍या डायरेक्‍टर आहेत. तसेच रियल इस्‍टेट क्षेत्रातील हायलँड व्‍हॅली कंपनीच्‍या देखील त्‍या डायरेक्‍टर आहेत.
त्‍यांनी सुरू केलेली झोहो ही एक सॉफ्टवेअर कंपनी असून ही कंपनी साॅफ्टवेअर सोल्‍यूशन या क्षेत्रात काम करते. सदरील कंपनीने वर्ष 2022-23 मध्‍ये तब्‍बल 2749 कोटी रूपयांचा नफा कमवला होता.
राधा वेम्‍बू यांना एक मुलगा असून राधा वेम्‍बू यांची एकूण संपत्‍ती 36000 कोटी रूपयांची आहे. राधा वेम्‍बू या भारतातील 100 सर्वांत श्रीमंत व्‍यक्‍तींच्‍या यादीत चाळीसाव्‍या क्रमांकावर आहेत. एवढी संपत्‍ती असूनही त्‍यांच्‍या राहणीमानात किंवा वागणूकीत कुठेही अहंकार दिसून येत नाही.
इतर महत्‍वपूर्ण बातम्‍यांसाठी येथे क्लिक करा…
नियमित रोखठोक, निष्‍पक्ष व निर्भीड बातम्‍या व आर्टीकल आपल्‍या मोबाईलवर प्राप्‍त करण्‍यासाठी स्‍क्रीनवर दिसत असलेल्‍या व्‍हाट्सअॅप चिन्‍हाला क्लिक करून आमच्‍या ग्रुपला जॉईन व्‍हा.