एल्‍गार न्‍यूज :-
Manoj Jarange Patil Sabha for Maratha Aarakshan : मराठा आरक्षणासाठी मनोज जरांगे पाटील यांनी आयोजित केलेल्‍या महाविराट सभेला जाणाऱ्या मराठा बांधवांच्‍या वाहनांसाठी मुस्लिम समाजाच्‍या वतीने फुल नाही फुलाची पाकळी या भावनेतून सेवा म्‍हणून विविध मार्गांवर मोफत वाहन दुरूस्‍ती व पंम्‍चर काढण्‍याची सुविधा उपलब्‍ध करून देण्‍यात येणार आहे.
याबाबत सविस्‍तर वृत्‍त असे की, दि.14 रोजी मराठा आरक्षणासाठी अंतरवाली सराटी येथे आयोजित करण्‍यात आलेल्‍या महाविराट सभेला कुंभार पिंपळगांव (ता.घनसावंगी, जि.जालना) या भागातून विविध ठिकाणाहून येणारी असंख्‍य वाहने जाणार आहेत. मराठा बांधवांची सेवा म्‍हणून कुंभार पिंपळगांव येथील मुस्लिम समाज बांधवांच्‍या वतीने मोफत वाहन दुरूस्‍ती व पंक्‍चर सेवा उपलब्‍ध करून देण्‍यात येणार आहे.
कुंभार पिंपळगाव ते आष्‍टी, कुंभार पिंपळगांव ते तिर्थपुरी, कुंभार पिंपळगांव ते घनसावंगी या मार्गावरून जाणाऱ्या वाहनांना कोणत्‍याही प्रकारची अडचण आल्‍यास शेख हारूण – 9637064313, शेख सगीर – 9637080809, अन्‍वर भाई – 9767611754, मोहम्‍मद भाई – 9545434886 संपर्क साधावा असे आवाहन करण्‍यात आले आहे.
मुस्लिम समाज बांधवांच्‍या वतीने यापूर्वीही मराठा आरक्षणासाठी निघालेल्‍या विराट मोर्चा मध्‍ये पाणी, चहा व इतर सुविधा देवून सेवा करण्‍याचा प्रयत्‍न करण्‍यात आला होता.
इतर महत्‍वपूर्ण बातम्‍यांसाठी येथे क्लिक करा…
नियमित रोखठोक, निष्‍पक्ष व निर्भीड बातम्‍या व आर्टीकल आपल्‍या मोबाईलवर प्राप्‍त करण्‍यासाठी स्‍क्रीनवर दिसत असलेल्‍या व्‍हाट्सअॅप चिन्‍हाला क्लिक करून आमच्‍या ग्रुपला जॉईन व्‍हा.