एल्‍गार न्‍यूज :-
मुस्लिम समाजाच्‍या भावना दुखावणारी व जातीय तेढ निर्माण करणारी पोस्‍ट फेसबुकवर टाकल्‍याबद्दल गणराज नाईक (रा.पाडूळी खु.) या युवकावर घनसावंगी पोलीस ठाण्‍यात गुन्‍हा दाखल करण्‍यात आला आहे. तसेच सदरील युवकाला अटक करण्‍यात आली आहे.
सदरील युवकाने फेसबुकवर केलेली पोस्‍ट अत्‍यंत गलीच्‍छ व घाणेरड्या शब्‍दात केलेली असून अल्‍लाह आणि मोहम्‍मद पैगंबर यांच्‍या विषयी अत्‍यंत खालच्‍या शब्‍दात आणि धार्मिक भावना भडकावणारी पोस्‍ट केली आहे. सदरील युवकाने दोन समाजात तेढ निर्माण होण्‍याच्‍या उद्देशाने जाणीवपूर्वक पोस्‍ट केली असल्‍याचे फिर्यादीत म्‍हटले आहे.
धार्मिक भावना दुखावणारी सदरील पोस्‍ट पाहिल्‍यानंतर मुस्लिम समाजामध्‍ये संतापाची लाट उसळली, तात्‍काळ समाजातील नागरिकांनी याबाबत घनसावंगी पोलीस ठाण्‍यात जावून या गंभीर प्रकरणाची माहिती पोलीसांना देवून फिर्याद दिली, सदरील फिर्यादीवरून संबंधित युवकांविरूध्‍द गुन्‍हा दाखल करण्‍यात आला आहे, शिवाय त्‍यास अटकही करण्‍यात आली आहे.
सदरील प्रकार लक्षात आल्‍यानंतर राज्‍यभरात अनेक ठिकाणी मुस्लिम समाजाच्‍या वतीने पोलीसांना निवेदन देवून निषेध करण्‍यात आला तसेच आरोपी विरूध्‍द कडक कार्यवाही करण्‍याची मागणी करण्‍यात आली, सदरील प्रकारामुळे जालना जिल्‍ह्यातील अनेक भागात तणावपूर्ण शांतता आहे. मुस्लिम समाजातील धार्मिक गुरू, जेष्‍ठ नागरिक यांनीही शांतेतेचे आवाहन केले आहे. तसेच पोलीसांनीही सदरील आरोपी विरूध्‍द योग्‍य ती कार्यवाही करण्‍यात येत असल्‍याचे सांगून नागरिकांना शांततेचे आवाहन केले आहे.
इतर महत्‍वपूर्ण बातम्‍यांसाठी येथे क्लिक करा…
नियमित रोखठोक, निष्‍पक्ष व निर्भीड बातम्‍या व आर्टीकल आपल्‍या मोबाईलवर प्राप्‍त करण्‍यासाठी स्‍क्रीनवर दिसत असलेल्‍या व्‍हाट्सअॅप चिन्‍हाला क्लिक करून आमच्‍या ग्रुपला जॉईन व्‍हा.