एल्‍गार न्‍यूज (परवेज पठाण) :-
ग्राहकांना चांगल्‍या सुविधा उपलब्‍ध करून देत पतसंस्‍थेच्‍या माध्‍यमातून प्रगतीच्‍या दिशेने वाटचाल करणाऱ्या “जनता अर्बन को- ऑपरेटिव्ह क्रेडिट सोसायटी लि.” या पतसंस्‍थेला सहकार भारतीच्‍या वतीने “उत्कृष्ट नागरी पतसंस्था पुरस्कार २०२५” देवून सन्‍मानीत करण्‍यात आले आहे.
जनता अर्बनला सदरील पुरस्कार मान्यवरांच्या उपस्थितीत प्रदान करण्‍यात आला. सदरील पुरस्कार सदानंदजी वूइके (वि.ले स.सं.मुख्यालय पुणे), गणेशजी निमकर (स.तज्ञ पुणे), परमेश्वर वरखडे (जि.उ.स.सं.जालना), धनंजय चव्हाण (जि.वि.ले.स.सं.जालना) व सचिनजी वाणी (अध्यक्ष सहकार भारती जालना) या सर्व मान्यवरांच्या शुभहस्ते दिनांक ११ रोजी शौर्य लॉन्स, जालना येथे देण्‍यात आला. यावेळी सदरील पुरस्कार जनता अर्बन को-ऑप.क्रेटिड सोसायटीचे संस्थापक अध्यक्ष प्रकाश कंटुले (व्यापारी महासंघ अध्यक्ष कुं.पिंपळगाव), डिगांबर सारुक (मुख्य कार्यकारी अधिकारी) यांनी स्विकारला.
जनता अर्बनला सदरील पुरस्कार मिळाल्‍याने जिल्‍हाभरातून पतसंस्‍थेच्‍या कार्याचे कौतुक होत आहे. सदरील पुरस्‍काराने जनता अर्बनचे अध्यक्ष व कर्मचारी यांना नक्‍कीच प्रोत्‍साहन मिळेल व पतसंस्था पुढील काळात अशाच प्रकारे प्रगती करत राहील अशी प्रतिक्रिया नागरिकांनी दिली आहे.