एल्‍गार न्‍यूज विशेष :-
शिवसेनेचे सहसंपर्कप्रमुख हिकमत दादा उढाण हे एक इमानदार व जनतेच्‍या मनातील नेतृत्‍व असून घनसावंगी मतदार संघातील जनतेसाठी ते अहोरात्र तत्‍पर असतात अशी प्रतिक्रिया युवा सेनेचे सक्रीय कार्यकर्ते तथा ग्रामपंचायत सदस्‍य मतीन शेख यांनी दिली. दि.1 जुलै रोजी हिकमत दादा उढाण यांचा वाढदिवस आहे त्‍यानिमित्‍त मतीन शेख यांनी हिकमत दादा यांच्‍या विषयी एल्‍गार न्‍यूजकडे आपली भावना व्‍यक्‍त केली.
पुढे बोलतांना मतीन शेख यांनी सांगितले की, हिकमत दादा यांचा स्‍वभाव इतरांप्रमाणे नाही, अनेक जण आधी फक्‍त चॉकलेट देतात परंतू प्रत्‍यक्ष काहीच करत नाहीत, त्‍याउलट हिकमत दादा हे कोणतेही काम आधी करतात आणि नंतर सांगतात, जे काम होत आहे त्‍यास होच म्‍हणणार आणि जे काम होत नसेल ते सुध्‍दा स्‍पष्‍ट सांगणार असा दादांचा स्‍वभाव आहे.
हिकमत दादा नेहमी सुख दुखात सहभागी असतात, एखाद्या वेळी काही कारणास्‍तव सुखात सहभागी होणार नाहीत, परंतू दुखात नक्‍कीच सहभागी होतात, त्‍यांच्‍याकडे येणाऱ्या प्रत्‍येक नागरिकांची ते अडचण समजून घेतात आणि शक्‍य असल्‍यास ती अडचण दूर करण्‍याचा प्रयत्‍न करतात. कुठलाही अहंकार त्‍यांच्‍या मध्‍ये दिसून येत नाही असेही मतीन शेख यांनी सांगितले.
नवीन कारखान्‍याची निर्मिती !
हिकमत दादा यांनी यापूर्वीच एक कारखाना सुरू केलेला आहे आणि आता पुन्‍हा एक नवीन मोठा कारखाना सुरू करणार आहेत, त्‍याचे सर्व नियोजन सुध्‍दा झाले आहे. अर्थातच सत्‍ता नसतांनाही मतदारसंघातील जनतेच्‍या कल्‍याणासाठी जे जे करणे शक्‍य आहे ते करण्‍याचा प्रयत्‍न दादा करत असतात, घनसावंगी मतदारसंघासाठी खूप काही करण्‍याची इच्‍छा हिकमत दादांची आहे अशी प्रतिक्रियाही मतीन शेख यांनी दिली.
मायाताईंचे लक्ष !
घनसावंगी मतदारसंघातील जनतेच्‍या अडचणी सोडवण्‍यासाठी हिकमत दादांना शक्‍य ते सहकार्य दादांच्‍या पत्‍नी मायाताई करत असतात. आजारी असलेल्‍या अनेक रूग्‍णांना योग्‍य ती मदत करण्‍यासाठी दादांप्रमाणेच ताईंचे कायम प्रयत्‍न असतात. माझ्या देखत असंख्‍य रूग्‍णांना दादा आणि ताईंनी मदत केली आहे, परंतू दादा असो किंवा ताई असो त्‍या मदतीचे प्रदर्शन करत नाहीत. सेवाभाव म्‍हणून त्‍यांचे प्रयत्‍न कायम सुरूच असतात असेही मतीन शेख यांनी सांगितले.
मोठ्या प्रमाणावर समर्थक !
मागील विधानसभा निवडणुकीच्‍या वेळेस हिकमत दादांची विजयी होण्‍याची संधी अवघ्‍या काही मतांनी हुकली असली तरी त्‍यांनी मतदारसंघातील जनतेशी संपर्क तुटू दिला नाही, ज्‍या प्रमाणे मागील काळात कार्यकर्ते व समर्थक त्‍यांच्‍या पाठीशी होते त्‍यापेक्षाही जास्‍त समर्थक व कार्यकर्ते यावेळेस सुध्‍दा त्‍यांच्‍या पाठीशी खंबीरपणे उभे आहेत, अर्थातच सर्वसामान्‍य जनतेच्‍या मनात दादांविषयी प्रचंड आपुलकी आणि विश्‍वास दिसून येतो यात शंका नाही. दादांचा आज (दि.1) रोजी वाढदिवस आहे त्‍यानिमित्‍त त्‍यांना मनापासून शुभेच्‍छा देत त्‍यांच्‍या माध्‍यमातून घनसावंगी मतदारसंघातील जनतेचे कल्‍याण होवो हीच दुआ/प्रार्थना असल्‍याची भावना मतीन शेख यांनी व्‍यक्‍त केली आहे.