एल्‍गार न्‍यूज (परवेज पठाण) :-
घनसावंगी तालुक्‍यातील कुंभार पिंपळगांव हा जिल्‍हा परिषद गट प्रत्‍येक निवडणुकीत चर्चेत असतोच, परंतू यावेळी अनेक उमेदवार मैदानात उतरणार असल्‍याने यंदाची निवडणूक अधिक चुरशीची होणार असल्‍याचे दिसत आहे. संबंधित पक्ष कोणत्‍या इच्‍छुक उमेदवाराला संधी देतो हे सुध्‍दा पाहणे महत्‍वाचे ठरणार आहे.
कुंभार पिंपळगांव हे तालुक्‍यातील सर्वात मोठे बाजारपेठेचे गाव असून आसपासच्‍या ३० ते ४० गावांचा केंद्रबिंदू आहे. १ हजार पेक्षा जास्‍त दुकाने, बॅंका, पतसंस्‍था, शाळा, महाविद्यालय असून गावातून २ महामार्ग गेले आहेत. शिवाय तालुक्‍यातील राजकारणाच्‍या घडामोडीचेही केंद्रबिंदू कुंभार पिंपळगांव ठरत असल्‍याने या जिल्‍हा परिषद गटाकडे सर्वांचे विशेष लक्ष असते.
युती किंवा आघाडी बाबत अद्याप स्‍पष्‍ट असे संकेत मिळाले नसल्‍याने प्रत्‍येक पक्ष स्‍वतंत्रपणे निवडणूक लढण्‍याच्‍या तयारीत दिसत असून कार्यकर्त्‍यांनाही यानिमित्‍ताने संधी मिळत आहे. कुंभार पिंपळगांव जिल्‍हा परिषद गटातून इच्‍छुक असलेल्‍या उमेदवारांची माहिती खालील प्रमाणे आहे.
शामसुंदर उढाण
माजी जि.प.सदस्‍य शामनाना उढाण हे एकनाथ शिंदे यांच्‍या शिवसेनेचे पदाधिकारी असून त्‍यांच्‍या पत्‍नी सौ.किर्तीताई शामसुंदर उढाण ह्या कुंभार पिंपळगांव जिल्‍हा परिषद गटातून निवडणूक लढण्‍यास इच्‍छुक आहेत. त्‍या माजी जिल्‍हा परिषद अध्‍यक्ष सुध्‍दा आहेत. शिवाय गावात सुसज्‍ज अशी शाळा सुरू करून त्‍यांनी चांगल्‍या दर्जाचे शिक्षण देण्‍याचा प्रयत्‍न केला आहे. शामनाना उढाण व सौ.किर्तीताई उढाण या दोघांनी युवकांच्‍या रोजगारासाठी मागील काळात प्रयत्‍न केले असून सामाजिक कार्यात सुध्‍दा त्‍यांचा सहभाग असतो. गावात प्रसिध्‍द असे पाहुणा मारोती मंदिर असून गावाला तिर्थक्षेत्राचा दर्जा मिळवून देण्‍यातही त्‍यांची मोलाची भूमिका राहीलेली आहे. शामनाना उढाण यांचे वरिष्‍ठ नेत्‍यांशी चांगले संबंध असून जिल्‍हा परिषद गटासह तालुक्‍यातही त्‍यांचा चांगला जनसंपर्क आहे. त्‍यामुळे पक्षाकडून सौ.किर्तीताई शामसुंदर उढाण यांना कुंभार पिंपळगांव जिल्‍हा परिषद गटातून संधी मिळू शकते.
संदिप (बबलू) कंटुले
शिवसेना (उबाठा) घनसावंगी तालुकाप्रमुख असलेले संदिप (बबलू) कंटुले हे त्‍यांच्‍या पत्‍नी सौ.मनिषा संदिप कंटुले यांना कुंभार पिंपळगांव जिल्‍हा परिषद गटातून निवडणूक लढवण्‍यास इच्‍छुक आहेत. संदिप कंटुले यांच्‍या आई सध्‍या कुंभार पिंपळगांव ग्रामपंचायतच्‍या उपसरपंच असून पत्‍नी सदस्‍य आहेत. संदिप कंटुले हे मागील अनेक वर्षांपासून शिवसेनेत कार्यरत असून जिल्‍हा परिषद गटासह तालुक्‍यात त्‍यांचा चांगला जनसंपर्क आहे. संदिप कंटुले यांचा नेहमी सामाजिक कार्यात सहभाग असतो, शिवाय त्‍यांचे पक्षाच्‍या वरिष्‍ठ नेत्‍यांशी चांगले संबंध असल्‍याने त्‍यांचा प्राधान्‍याने विचार होण्‍याची शक्‍यता आहे. पक्षाशी एकनिष्‍ठ असल्‍याने शिवाय पक्ष वाढीसाठी सातत्‍याने प्रयत्‍न करत असल्‍याने शिवसेना (उबाठा) पक्षाकडून त्‍यांच्‍या पत्‍नी सौ.मनिषा संदिप कंटुले यांना कुंभार पिंपळगांव जिल्‍हा परिषद गटातून संधी मिळू शकते.
दिलीप राऊत
राष्‍ट्रवादी कॉंग्रेस (शरदचंद्र पवार) पक्षाचे पदाधिकारी असलेले दिलीप राऊत हे त्‍यांच्‍या पत्‍नी सौ.संगीता दिलीप राऊत यांना कुंभार पिंपळगांव जिल्‍हा परिषद गटातून निवडणूक लढवण्‍यास इच्‍छुक आहेत. दिलीप राऊत हे राष्‍ट्रवादी युवक कॉंग्रेसचे जालना जिल्‍हा उपाध्‍यक्ष असून माजी मंत्री राजेश टोपे यांचे ते समर्थक आहेत. माजी उपसरपंच आबासाहेब राऊत हे त्‍यांचे बंधू असून दिलीप राऊत यांचा नेहमी सामाजिक कार्यात सहभाग असतो. दरवर्षी वाढदिवसानिमित्‍त ते गोरगरीबांना अन्‍नधान्‍य, कपडे व इतर आवश्‍यक वस्‍तू मोफत वाटत असतात. शिवाय वेळोवेळी सामाजिक कार्यासाठी मदतही करत असतात. कुंभार पिंपळगांव जिल्‍हा परिषद गटासह तालुक्‍यात त्‍यांचा चांगला जनसंपर्क असून वरिष्‍ठ नेत्‍यांशीही त्‍यांचे चांगले संबंध आहेत. त्‍यामुळे राष्‍ट्रवादी कॉंग्रेस (श.प.) पक्षाकडून दिलीप राऊत यांच्‍या पत्‍नी सौ.संगीता दिलीप राऊत यांना कुंभार पिंपळगांव जिल्‍हा परिषद गटातून संधी मिळू शकते.
विजय कंटुले
राष्‍ट्रवादी कॉंग्रेस (शरदचंद्र पवार) पक्षाचे कार्यकर्ते तथा ग्रामपंचायत सदस्‍य विजय कंटुले हे त्‍यांच्‍या पत्‍नी सौ.सीमा विजय कंटुले यांना कुंभार पिंपळगांव जिल्‍हा परिषद गटातून निवडणूक लढवण्‍यास इच्‍छुक आहेत. पक्षाशी व राजेश टोपे यांच्‍याशी एकनिष्‍ठ असलेले विजय कंटुले हे नेहमी सामाजिक कार्यात सहभागी असतात. मागील काळात त्‍यांनी असंख्‍य गोरगरीब रूग्‍णांचे डोळ्याचे मोफत ऑपरेशन करण्‍यासाठी प्रयत्‍न केले होते. शिवाय स्‍थानिक विविध प्रश्‍नांवरही ते आवाज उठवत असतात. कुंभार पिंपळगांव जिल्‍हा परिषद गटासह त्‍यांचा तालुक्‍यातही चांगला जनसंपर्क असून वरिष्‍ठ नेत्‍यांशीही त्‍यांचे चांगले संबंध आहेत. त्‍यामुळे राष्‍ट्रवादी कॉंग्रेस (श.प.) पक्षाकडून विजय कंटुले यांच्‍या पत्‍नी सौ.सीमा विजय कंटुले यांना कुंभार पिंपळगांव जिल्‍हा परिषद गटातून संधी मिळू शकते.
रघुनाथ ताठे
राष्‍ट्रवादी कॉंग्रेस (अजित पवार) पक्षाचे कार्यकर्ते असलेले रघुनाथ ताठे हे त्‍यांच्‍या आई श्रीमती द्वारकाबाई गुलाबराव ताठे यांना कुंभार पिंपळगाव जिल्‍हा परिषद गटातून निवडणूक लढवण्‍यास इच्‍छुक आहेत. रघुनाथ ताठे यांचा सामाजिक कार्यात सहभाग असतो. मागील काळात तालुका रोजगार हमी योजना समितीवर सदस्‍य असतांना त्‍यांनी शेतकरी व नागरिकांच्‍या समस्‍या समितीसमोर मांडून मार्ग काढण्‍याचा प्रयत्‍न केला. वृक्ष लागवड मोहिमेत सुध्‍दा त्‍यांचा सहभाग असतो. ग्रामीण विद्यार्थ्‍यांना संस्‍थेच्‍या माध्‍यमातून त्‍यांनी बालनाट्य स्‍पर्धेत व्‍यासपीठ उपलब्‍ध करून दिले होते. जि.प.गटासह तालुक्‍यात त्‍यांचा चांगला जनसंपर्क असून राष्‍ट्रवादी कॉंग्रेस पक्षाकडून त्‍यांच्‍या आई श्रीमती द्वारकाबाई गुलाबराव ताठे यांना कुंभार पिंपळगाव जिल्‍हा परिषद गटातून संधी मिळू शकते.
कोणाला मिळणार संधी ?
युती किंवा आघाडी बाबत अद्याप स्‍पष्‍ट असे संकेत मिळालेले नसल्‍याने प्रत्‍येक पक्ष स्‍वतंत्रपणे निवडणूक लढण्‍याच्‍या तयारीत दिसत आहे. युती किंवा आघाडी न झाल्‍यास उमेदवारांची संख्‍या अधिक राहणार हे स्‍पष्‍ट आहे. जिल्‍हा परिषद व पंचायत समिती निवडणुकीची तारीख लवकरच जाहीर होणार असून आत्‍तापासूनच कोण किती फिल्‍डींग लावतो आणि आपली बाजू जनतेपर्यंत पोहोचवतो यावर बरंच काही अवलंबून राहणार आहे. अर्थातच येत्‍या काही दिवसात चित्र अधिक स्‍पष्‍ट होणार यात शंका नाही.
