एल्‍गार न्‍यूज :-
घनसावंगी तालुक्‍यातील कुंभार पिंपळगांव येथील भारतीय जनता पार्टीचे धडाडीचे कार्यकर्ते शिवाजी लक्षमणराव कंटुले यांची भाजपा युवा युवा मोर्चाच्‍या घनसावंगी तालुकाध्‍यक्षपदी निवड झाली आहे.
भाजपाचे घनसावंगी विधानसभा मतदारसंघ निवडणूक प्रमुख सतिष घाटगे पाटील यांनी शिवाजी कंटुले यांना नियुक्‍तीपत्र देवून त्‍यांची घनसावंगी तालुकाध्‍यक्षपदी निवड केली आहे.
दिलेल्‍या नियुक्‍तीपत्रानुसार आतापर्यंतच्‍या पक्ष कार्याची दखल भारतीय जनता पक्षाने घेवून आपणास हे दायित्‍व दिले आहे, आपण वेळोवेळी होणाऱ्या बैठका तसेच कार्यक्रमांना उपस्थित रहावे व पक्ष संगठन वाढीसाठी आपले योगदान द्यावे असे नियुक्‍तीपत्रात म्‍हटले आहे.
शिवाजी कंटुले यांचा तालुक्‍यात जनसंपर्क चांगला आहे, शिवाय ते स्‍वभावाने मनमिळावू असून सर्वसामान्‍य नागरिकांसह कार्यकर्त्‍यांच्‍या अडीअडचणी दूर करण्‍याचा वेळोवेळी प्रयत्‍न करत असतात. त्‍यामुळे तालुक्‍यात त्‍यांच्‍या पाठीशी कार्यकर्त्‍यांची मोठी फळी दिसून येते.
भाजपाचे वरिष्‍ठ नेते आणि पदाधिकारी यांच्‍याशीही शिवाजी कंटुले यांचे चांगले संबंध असून अत्‍यंत कमी वेळेत त्‍यांनी पक्षवाढीसाठी केलेले प्रयत्‍न लक्षात घेता पक्षाने त्‍यांना युवा मोर्चाच्‍या तालुकाध्‍यक्षपदाची महत्‍वपूर्ण जबाबदारी दिली आहे.
शिवाजी कंटुले यांची भाजपा युवा मोर्चाच्‍या तालुकाध्‍यक्षपदी निवड झाल्‍याबद्दल त्‍यांना सतिश घाटगे पाटील, माजी आमदार विलासबापू खरात, तालुकाध्‍यक्ष शिवाजीराव बोबडे तसेच घनसावंगी तालुक्‍यातील भारतीय जनता पार्टी युवा मोर्चाच्‍या पदाधिकारी व कार्यकर्त्‍यांनी अभिनंदन करत शुभेच्‍छा दिल्‍या आहेत.
इतर महत्‍वपूर्ण बातम्‍यांसाठी येथे क्लिक करा…
महत्‍वपूर्ण बातम्‍या नियमित आपल्‍या मोबाईलवर प्राप्‍त करण्‍यासाठी स्‍क्रीनवर दिसत असलेल्‍या व्‍हाट्सअॅप चिन्‍हाला क्लिक करून आमच्‍या ग्रुपला जॉईन व्‍हा.