एल्‍गार न्‍यूज :-
मराठा योद्धा मनोज जरांगे पाटील यांची जालना येथे दि.1 डिसेंबर रोजी भव्‍य सभा होणार आहे, या सभेला जिल्‍हाभरातून मोठ्या संख्‍येने मराठा बांधव उपस्थित राहणार आहेत, त्‍यादृष्‍टीने जिल्‍हाभरात या सभेच्‍या दृष्‍टीने नियोजन करण्‍यात येत आहे.
घनसावंगी तालुक्‍यातील कुंभार पिंपळगांव सर्कल मध्‍ये सुध्‍दा मनोज जरांगे पाटील यांच्‍या सभेला जास्‍तीत जास्‍त संख्‍येने उपस्थिती नोंदवण्‍यासाठी जनजागृती करण्‍याच्‍या दृष्‍टीने दि.27 रोजी भव्‍य मोटारसायकल रॅलीचे आयोजन कुंभार पिंपळगांव येथील सकल मराठा समाजाच्‍या वतीने करण्‍यात आले आहे.
मोटरसायकल रॅलीचा मार्ग !
सदरील मोटारसायकल रॅलीला दि.27 रोजी सोमवारी सकाळी 7.30 वाजता कुंभार पिंपळगांव येथून सुरूवात होणार आहे. सदरील रॅली कुंभार पिंपळगांव येथून पाडूळी, सिंदखेड, देवी दहेगांव, भेंडाळा, घाणेगांव, कोठाळा, जांबसमर्थ, लिंबी, श्रीपत धामनगांव, मुर्ती, गुंज, नागोबाची वाडी, नाथनगर, भादली, शिवणगांव, उक्‍कडगांव, राजाटाकळी, अरगडे गव्‍हाण, पिंपरखेड, खडका, लिंबोणी यामार्गे पुन्‍हा कुंभार पिंपळगांव येथे येवून या रॅलीचा समारोप होईल.
जेवणाची सोय !
या भव्‍य मोटारसायकल रॅलीच्‍या दरम्‍यान सकाळच्‍या नाष्‍ट्याची सोय सकल मराठा समाज देवी दहेगांवच्‍या वतीने करण्‍यात आली असून दुपारच्‍या जेवणाची सोय सकल मराठा समाज गुंजच्‍या वतीने करण्‍यात आली आहे. तसेच रात्रीच्‍या जेवणाची सोय सकल मराठा समाज कुंभार पिंपळगांवच्‍या वतीने करण्‍यात आली आहे.
सदरील भव्‍य मोटारसायकल रॅलीमध्‍ये मराठा समाज बांधवांनी जास्‍तीत जास्‍त संख्‍येने सहभागी होवून जनजागृती करावी व दि.1 डिसेंबर रोजी होणाऱ्या भव्‍य सभेला मोठ्या संख्‍येने उपस्थिती नोंदवावी असे आवाहन सकल मराठा समाज कुंभार पिंपळगांवच्‍या वतीने करण्‍यात आले आहे.
इतर महत्‍वपूर्ण बातम्‍यांसाठी येथे क्लिक करा…
सरकारी योजना व इतर महत्‍वपूर्ण बातम्‍या आपल्‍या मोबाईलवर प्राप्‍त करण्‍यासाठी स्‍क्रीनवर दिसत असलेल्‍या व्‍हाट्सअॅप चिन्‍हाला क्लिक करून आमच्‍या ग्रुपला जॉईन व्‍हा.