एल्‍गार न्‍यूज :-
Most Expensive dharma Buffalo : साधारणपणे आपल्‍याला म्‍हैस म्‍हटले की, लाखाच्‍या आसपास आपण किंमत ऐकत असतो, परंतू येथे आपणास ज्‍या म्‍हशी बद्दल सांगण्‍यात येत आहे त्‍याची किंमत आलिशान कारपेक्षा जास्‍त आहे.
म्‍हशीची किंमत फॉर्च्‍यूनर गाडीपेक्षा जास्‍त आहे, म्‍हणजेच या किंमतीत तुम्‍ही राहण्‍यासाठी एखादे चांगले फ्लॅट सुध्‍दा खरेदी करू शकता. आता आपणास प्रश्‍न पडला असेल की, नेमकी किंमत किती आणि एवढ्या किंमतीची म्‍हैस कुठे आहे ? तर त्‍याचे उत्‍तरही आपणास मिळेल.
देशातील इतर अनेक राज्‍यांप्रमाणेच हरियाणा सुध्‍दा एक कृषि प्रधान राज्‍य आहे. शेतकरी शेती सोबतच पशुपालनही करत असतात, त्‍यांच्‍याकडे असलेल्‍या गायी-म्‍हशींची किंमत लाखोंच्‍या घरात आहे.
म्‍हशीची किंमत किती ?
हरियाणातील भिवानी जुई गावात राहणाऱ्या संजय नावाच्‍या व्‍यक्‍तीकडे धर्मा नावाची म्‍हैस आहे. या म्‍हशीचे वय अवघे 3 वर्षे आहे. संजय दिलेल्‍या माहितीनुसार ही म्‍हैस 15 लिटर दूध देते.
संजयच्‍या म्‍हणण्‍यानुसार धर्मा म्‍हशीला 46 लाख रूपयात मागितले आहे, परंतू संजयने त्‍याची किंमत 61 लाख रूपये ठेवली आहे. धर्मा म्‍हशीच्‍या जन्‍मापासून संजय तिला हिरवा चारा, चांगले खाद्य आणि हिवाळ्यात दररोज 40 किलो गाजर खाऊ घालत असल्‍याचे सांगितले.
सदरील म्‍हशीने पंजाब आणि उत्‍तर प्रदेश मध्‍ये आयोजित अनेक स्‍पर्धेमध्‍ये पदके जिंकली आहेत. पशुवैद्यकच्‍या मते सदरील म्‍हशीची जात ही उत्‍तम प्रतीची असल्‍याने कदाचित याला एवढी किंमत आहे.
इतर महत्‍वपूर्ण बातम्‍यांसाठी येथे क्लिक करा…
नियमित रोखठोक, निष्‍पक्ष व निर्भीड बातम्‍या व आर्टीकल आपल्‍या मोबाईलवर प्राप्‍त करण्‍यासाठी स्‍क्रीनवर दिसत असलेल्‍या व्‍हाट्सअॅप चिन्‍हाला क्लिक करून आमच्‍या ग्रुपला जॉईन व्‍हा.