एल्‍गार न्‍यूज (परवेज पठाण) :-
भाजपा युवा मोर्चा जिल्‍हा चिटणीस तथा सामाजिक कार्यकर्ते माजेद इब्राहीम पठाण हे त्‍यांच्‍या पत्‍नी राहत माजेद पठाण यांना कुंभार पिंपळगांव जिल्‍हा परिषद गटातून निवडणूक लढविण्‍यास इच्‍छुक आहेत. काही दिवसांपूर्वीच भाजपा कार्यालयात इच्‍छुक म्‍हणून त्‍यांनी अर्ज दाखल केला आहे.
कुंभार पिंपळगांव येथील युवा उद्योजक तथा सामाजिक कार्यात नेहमी अग्रेसर असणारे माजेद पठाण हे पक्षाने संधी दिल्‍यास निवडणुकीच्‍या रिंगणात उतरणार असल्‍याचे दिसते. माजेद पठाण हे माजी नगराध्‍यक्ष तथा भाजपा नेते सुनील बापू आर्दड यांचे कट्टर समर्थक आहेत. माजेद पठाण यांनी २०२४ च्‍या लोकसभा व विधानसभा निवडणुकीत युतीच्‍या उमेदवारांना भरघोस मते मिळवून देण्‍यात महत्‍वाची भूमिका निभावल्‍याचे कार्यकर्ते सांगतात.
माजेद पठाण यांचा जि.प.गटासह तालुक्‍यात चांगला जनसंपर्क आहे. सर्व जाती धर्माच्‍या लोकांसोबत त्‍यांचे चांगले संबंध आहेत. तसेच जि.प.सर्कल मध्‍ये ३००० ते ३५०० च्‍या आसपास मुस्लिम मतदार आहेत. शिवाय सर्व जाती धर्माच्‍या तरूण वर्गातून माजेद पठाण यांच्‍या उमेदवारीसाठी आग्रह होत असल्‍याने निवडणुकीत माजेद पठाण यांना चांगला प्रतिसाद मिळू शकतो असेही त्‍यांच्‍या मित्र परिवाराचे मत आहे.
जर युती नाही झाली तर भाजपा कडून माजेद पठाण यांचा प्राधान्‍याने विचार होवू शकतो असेही बोलले जात आहे. पक्षाच्‍या वरिष्‍ठ नेत्‍यांशी चांगले संबंध असल्‍याने शिवाय ते पक्षाचे सक्रीय कार्यकर्ते असल्‍याने माजेद पठाण यांना नेते, पदाधिकारी व कार्यकर्त्‍यांची चांगली साथ मिळू शकते. माजेद पठाण यांना पक्षाकडून संधी मिळाल्‍यास परतूरचे आमदार बबनराव लोणीकर, अंबडचे आमदार तथा भाजपा जिल्‍हाध्‍यक्ष असलेले नारायण कुचे, तसेच भाजपा नेते सुनिलबापू आर्दड यांच्‍यासह पक्षाच्‍या इतर नेते व पदाधिकाऱ्यांचे मोठे पाठबळ त्‍यांना मिळू शकते असेही अनेकांचे मत आहे.
युतीबाबत पक्षेश्रेष्‍ठी योग्‍य तो निर्णय घेतील. जर युती झाली तर पक्ष श्रेष्‍ठींशी चर्चा करून त्‍यांच्‍या सूचनेप्रमाणे पुढील निर्णय घेवू असे माजेद पठाण यांचे मत आहे. युती झाल्‍यास कुंभार पिंपळगांव जि.प.गटाची जागा भारतीय जनता पार्टीला सुटावी यासाठी प्रयत्‍न राहणार असल्‍याचेही त्‍यांनी सांगितले. अर्थातच भाजपा कडून कुंभार पिंपळगांव जिल्‍हा परिषद गटातून माजेद पठाण यांना उमेदवारी मिळाल्‍यास नवीन चुरस निर्माण होईल असे सध्‍याचे चित्र आहे.