एल्गार न्यूज विशेष :-
सर्वसामान्य जनतेचे प्रश्न तसेच समाज व देशहित समोर ठेवून निष्पक्ष, निर्भीड, आणि रोखठोक बातम्या व आर्टीकल प्रकाशित करण्याच्या दृष्टीने पत्रकार परवेज पठाण यांच्या एल्गार न्यूज या ऑनलाईन न्यूज पोर्टलचा शुभारंभ कार्यक्रम सोमवार दि.02 रोजी सन्माननीय पत्रकार बांधवांच्या उपस्थितीत संपन्न झाला.
या प्रसंगी ज्येष्ठ पत्रकार इब्राहीम पठाण यांचे चिरंजीव तथा एल्गार न्यूजचे संपादक परवेज पठाण यांनी सर्व पत्रकार बांधवांचे स्वागत केले तर उपस्थित पत्रकार बांधवांनीही परवेज पठाण यांचा सत्कार करून पुढील वाटचालीस मन:पूर्वक शुभेच्छा दिल्या. तत्पूर्वी महात्मा गांधीजी व लाल बहादूर शास्त्रीजी यांच्या जयंती निमित्त त्यांना विनम्र अभिवादन करण्यात आले.
सदरील शुभारंभाचा कार्यक्रम घनसावंगी तालुक्यातील कुंभार पिंपळगांव येथे संपन्न झाला. एल्गार न्यूजच्या शुभारंभ प्रसंगी पत्रकार सर्वश्री विष्णूदास आर्दड, इब्राहीम पठाण, सुरेश दाड, लक्ष्मण बिलोरे, अशोक कंटुले, अशोक ओवळे, नरेंद्र जोगड, अजय गाढे, किशोर शिंदे, गणेश ओझा, भागवत बोटे, कुलदीप पवार तसेच सामाजिक कार्यकर्ते किशोर मुनेमाणिक यांच्यासह अनेक मान्यवर उपस्थित होते, तसेच ज्या पत्रकार बांधवांचे कार्यक्रमास येणे शक्य झाले नाही त्यांनी फोनवरून शुभेच्छा दिल्या.
सदरील शुभारंभा प्रसंगी राज्यभरातील इलेक्ट्रॉनिक मीडिया, प्रिंट मीडिया, डिजिटल मीडिया पत्रकार बांधवांसह, राजकीय पदाधिकारी, सामाजिक कार्यकर्ते, लोकप्रतिनिधी, व्यापारी बांधव, उद्योजक, शेतकरी बांधवांसह नागरिकांनी मोठ्या संख्येने फोनवर तसेच सोशल मीडियाच्या माध्यमातून शुभेच्छांचा वर्षाव केला. त्याबद्दल संपादक परवेज पठाण यांनी प्रत्यक्ष, अप्रत्यक्ष शुभेच्छा देणाऱ्या सर्व मान्यवरांचे मनापासून आभार मानले.