एल्गार न्यूज (परवेज पठाण) :-
रक्ताचा तुटवडा लक्षात घेवून तसेच सामाजिक बांधिलकी समजून कुंभार पिंपळगांव येथील युवकांनी रक्तदान शिबीराचे आयोजन केले होते, या रक्तदान शिबीराला गावातील नागरिकांनी चांगला प्रतिसाद देवून अनेकांनी यात सहभागी होवून रक्तदान केले.
दि. 10 रोजी कुंभार पिंपळगाव येथे अखंड हरिनाम सप्ताह निमित्त जिल्हा सामान्य रुग्णालय (सिव्हिल हॉस्पिटल) जालना च्या वतीने येथील रक्तदान शिबिराचे आयोजन करण्यात आले होते. त्यात एकूण 33 जणांनी रक्तदान केले, त्यामध्ये 6 महिलांनी आणि 27 पुरुषांनी रक्तदान केले.
या शिबिरासाठी परिश्रम घेणारे लहू मिसाळ, मोहन गोडसे, श्री.नखाते, ग्रामीण रुग्णालय घनसावंगी कर्मचारी व जिल्हा रुग्णालय रक्त संकलन कर्मचारी यासह नवतरुण युवक मंडळी व समस्त गावकरी, कुंभार पिंपळगाव या सर्वांच्या प्रयत्नाने शिबिर यशस्वीरीत्या संपन्न झाले.