परवेज पठाण हे एल्‍गार न्‍यूज या ऑनलाईन न्‍यूज पोर्टलचे संपादक असून एल्‍गार न्‍यूज च्‍या माध्‍यमातून नि:पक्ष, निर्भीड व रोखठोक बातम्‍या, संपादकीय आर्टीकल प्रकाशित केले जातात. परवेज पठाण हे पत्रकारिता पदवीधर (Bachelor of Mass Communication & Journalism) असून पत्रकारिता क्षेत्रात मागील १७ वर्षांपासून कार्यरत आहेत. तसेच मागील २३ वर्षांपासून कॉम्‍प्‍यूटर क्षेत्रातही कार्यरत असून ते एक ग्राफीक डिझायनर सुध्‍दा आहेत. शिवाय त्‍यांनी यापूर्वी विविध विषयांवरील ब्‍लॉगवर सुध्‍दा काम केले आहे.
परवेज पठाण यांचे पदवीचे शिक्षण व संगणकाचे शिक्षण बीड येथे झाले असून त्‍यानंतर जालना येथे १ वर्षे व छत्रपती संभाजीनगर येथे ३ वर्षे कॉम्‍प्‍यूटर क्षेत्रात काम केल्‍यानंतर सन २००५ मध्‍ये त्‍यांनी कुंभार पिंपळगांव येथे सवेरा डिजिटल हे मल्टिसर्व्हिसेसचे दुकान सुरू केले अर्थातच मागील १९ वर्षांपासून ते आजपर्यंत ते सुरू आहे. सन २०१० मध्‍ये त्‍यांनी BMCJ ही पत्रकारिता पदवी घेतली.
डिजिटल मीडिया क्षेत्रात सुध्‍दा परवेज पठाण यांची सक्रीय भुमिका असून Web Development, AI (artificial intelligence), Youtube, Graphic Designing वर सुध्‍दा त्‍यांचे काम सुरू आहे. परवेज पठाण हे कुंभार पिंपळगांव (ता.घनसावंगी) येथील ज्‍येष्‍ठ पत्रकार इब्राहीम पठाण यांचे चिरंजीव आहेत.
परवेज पठाण हे मागील काळात राज्‍यातील एका डिजिटल मीडिया असोसिएशनचे प्रदेश उपाध्‍यक्ष सुध्‍दा राहीलेले आहेत. राज्‍यातील प्रिंट मीडिया, डिजिटल मीडिया व इलेक्‍ट्रॉनिक मीडियातील पत्रकार तसेच विविध पत्रकार संघटनांशी त्‍यांचे चांगले संबंध असून पत्रकारांचे प्रश्‍न व समस्‍यांविषयी सुध्‍दा ते वेळोवेळी लिखाण करत असतात. यापूर्वी २०१६ मध्‍ये परवेज पठाण यांनी जालना जिल्‍ह्यातील पत्रकारांसाठी ६ महिने अथक प्रयत्‍न करून निस्‍वार्थ भावनेतून “जालना जिल्‍हा पत्रकार संपर्क डायरी” सुध्‍दा काढली होती.
जनहिताची पत्रकारिता !
परवेज पठाण यांचे सर्वपक्षीय नेते, लोकप्रतिनिधी, पदाधिकारी, कार्यकर्ते यांच्‍याशी चांगले संबंध असले तरी परवेज पठाण हे कोणत्‍याही पक्षाचे सदस्‍य नाहीत, तसेच कोणाचेही समर्थक अथवा विरोधक नाहीत. 2023 मध्‍ये एल्‍गार न्‍यूजची सुरूवात झाल्‍यापासूनच विशेष करून घनसावंगी मतदारसंघ व जालना जिल्‍ह्यासह राज्‍यातील जनतेचे प्रश्‍न लेखणीच्‍या माध्‍यमातून मांडण्‍याचा प्रयत्‍न करण्‍यात येत आहे. रोखठोक बातम्‍यांमुळे जालना जिल्‍ह्यात एल्‍गार न्‍यूज ची विशेष ओळख निर्माण झाली असून आतापर्यंत लाखो वाचकांनी या पोर्टलला पसंती दिली आहे. आता एल्‍गार न्‍यूजचे युट्यूब चॅनल सुध्‍दा सुरू झाले आहे.
उत्कृष्ट पत्रकारिता पुरस्‍कार !
एल्‍गार न्‍यूजचे संपादक परवेज पठाण यांना काही दिवसांपूर्वीच “उत्कृष्ट पत्रकारिता पुरस्‍कार” जाहीर झाला असून त्‍याबद्दल विविध क्षेत्रातील मान्‍यवरांनी सत्‍कार करून त्‍यांना पुढील वाटचालीस शुभेच्‍छा दिल्‍या आहेत.